Şəki Kimya-biologiya təmayüllü liseyinin məzunu Fatimə Nəsibova təhsildə qazandığı uğurlar sayəsində dünyanın nüfuzlu ali təhsil müəssisələrindən qəbul təklifləri alıb.
Gənc məzuna Birləşmiş Krallığın "The University of Edinburgh", Çinin "Harbin Institute of Technology" və "Zhejiang University of Technology", Türkiyənin "Middle East Technical University" (METU) və "Bilkent University", Birləşmiş Ərəb Əmirliklərinin "Khalifa University", eləcə də Azərbaycanın "ADA University" tərəfindən müxtəlif ixtisaslar üzrə qəbul təklifləri təqdim olunub.
Fatimə Nəsibova bu universitetlərin bir neçəsində 60 faizə qədər təqaüd də qazanıb. Bu nəticə onun beynəlxalq səviyyədə rəqabətqabiliyyətli gənc olduğunu bir daha nümayiş etdirir.
