Şəkinin Qoxmuq kəndi ərazisində yerləşən yanacaqdoldurma məntəqəsinə (YDM) giriş və çıxışın düzgün təşkil olunmaması sürücülərin narazılığına səbəb olub.
Shimal.News-a müraciət edən sürücülərin sözlərinə görə, məntəqəyə giriş və çıxışı göstərən yol nişanları və müvafiq nişanlanma yoxdur.
Bildirilib ki, Qax və Şəki istiqamətindən hərəkət edən avtomobillər yanacaqdoldurma məntəqəsinə daxil olarkən digər nəqliyyat vasitələrinin hərəkətinə maneə yaranır və nəticədə yolda sıxlıq əmələ gəlir.
Sürücülər giriş-çıxışın aydın şəkildə göstərilməsi və yaranan problemin aradan qaldırılması üçün tədbir görülməsini istəyirlər.
Məsələ ilə bağlı aidiyyəti şəxslərdən bildirilib ki, problem dəfələrlə yanacaqdoldurma məntəqəsinin sahibinin diqqətinə çatdırılıb. Həmçinin qeyd olunub ki, ərazidə yol nişanlanmasının tətbiqi onların səlahiyyətində deyil və həmin yol sahəsi onların balansında deyil.
Sürücülər isə problemin aidiyyəti qurumlar arasında koordinasiya olunaraq giriş-çıxışın təhlükəsiz və aydın şəkildə təşkil edilməsini xahiş edirlər.
