Şəkidə 73 yaşlı Ələhməd Zeynalova məxsus fərdi yaşayış evində yanğın baş verib.
Shimal.News-a daxil olan məlumata görə, hadisə rayonun Cəyirli kəndində qeydə alınıb.
Nəticədə ümumi sahəsi 120 kvadratmetr olan birmərtəbəli ev, ona bitişik ümumi sahəsi 80 kvadratmetr olan talvarın taxta asmaları yanaraq yararsız vəziyyətə düşüb.
Hadisə yerinə Şəki Rayon Dövlət Yanğından Mühafizə Hissəsinin texnika və şəxsi heyəti cəlb olunub. Yanğın söndürülüb.
