Şəkidə şəhid və qazi övladları, uşaq evində və internat tipli gimnaziyalarda tərbiyə alan, həmçinin sağlamlıq imkanları məhdud və xüsusi qayğıya ehtiyacı olan uşaqlar üçün bayram şənliyi keçirilib.
Shimal.News məlumat verir ki, tədbir 31 Dekabr - Dünya Azərbaycanlılarının Həmrəylik Günü və Yeni ilin gəlişi münasibətilə Şəki Şəhər İcra Hakimiyyəti ilə Şəki Dövlət Dram Teatrının birgə təşkilatçılığı ilə təşkil edilib.
Uşaqlar "İnəkgül və Şimşəkgülün yeni il macərası" adlı nağıl-tamaşaya baxıblar. Şənlik balacalara yeni il ərəfəsində böyük sevinc və bayram əhvali-ruhiyyəsi bəxş edib.
