AMEA-nın Şəki Regional Elmi Mərkəzinin əməkdaşları bu günlərdə Çin çayı hövzəsində monitorinq aparıb.
Tədqiqatlar zamanı güclü leysanlardan sonra çay yatağında eroziya prosesləri qiymətləndirilib, sel hadisələrinin təsiri araşdırılıb.
Müşahidələr çayın sağ sahilində yan eroziyanın gücləndiyini və bunun kənd ərazisi, eləcə də əkin və otlaq sahələri üçün risk yaratdığını göstərib. Monitorinq zamanı Haney dərəsində və yaylaq ərazilərində də ölçmələr aparılıb.
Yerli əhali arasında "Beşmərtəbə" adı ilə tanınan şəlalə ilk dəfə dəqiq parametrlərlə qeydə alınıb. Ölçmələrə əsasən, şəlalənin hündürlüyü 31 metr, eni 1,25 metr, dəniz səviyyəsindən hündürlüyü isə 2125 metr təşkil edir. Ərazidə hidroloji ölçmələr aparılıb və laborator analizlər üçün su nümunələri götürülüb.
