Dövlət İmtahan Mərkəzi 12 iyul 2026-cı il tarixində keçirilmiş I və IV ixtisas qrupları (həmçinin III ixtisas qrupu üzrə DT və TC altqruplarının hər ikisini seçən abituriyentlər üçün coğrafiya fənni) üzrə qəbul imtahanının nəticələrini açıqlayıb.
İmtahanın nəticələrinə əsasən, I ixtisas qrupu üzrə 2 nəfər maksimum 400 bal toplayıb. IV ixtisas qrupu üzrə isə bu göstəriciyə nail olanların sayı 15 nəfər olub.
Maksimum nəticə göstərənlər arasında Şəki şəhər Kimya-Biologiya Təmayüllü Respublika Liseyinin şagirdi Çapuqi Nağı İbrahim oğlu da yer alıb. O, IV ixtisas qrupu üzrə qəbul imtahanında 400 bal toplayıb. Buraxılış imtahanında isə 279 bal toplayan abituriyentin ümumi nəticəsi 679 bal təşkil edib.
Qeyd edək ki, qəbul imtahanının I mərhələsində maksimum 300, II mərhələsində isə 400 bal toplamaq mümkündür. Müsabiqə hər iki mərhələdə əldə olunan balların cəminə əsasən aparılır.
