Azərbaycanın əksər şimal rayonlarında yağıntılı hava şəraiti müşahidə olunur, arabir şimşək çaxır. Yağıntılar ayrı-ayrı yerlərdə intensiv leysan xarakterlidir.
Bu barədə Milli Hidrometeorologiya Xidmətinin iyulun 20-nə olan məlumatında qeyd olunub.
Bildirilib ki, düşən yağıntının miqdarı Şəkidə 38 (aylıq normanın 63 %-i), Zaqatalada 24 (aylıq normanın 31 %-i), Qrız, Qubada 13 (aylıq normanın 44 %-i), Qusarda 12 (aylıq normanın 40 %-i), Qəbələdə 10, Xaçmaz, Qaxda (Sarıbaş) 6, Oğuzda 5, Xaltanda 4, Şabranda 2, Şamaxı, Xızıda 1 mm-dir.
Bəzi yerlərdə şimal-qərb küləyi əsir, küləyin maksimal sürəti Zaqatala və Şəkidə 20 m/s-yə çatır.
