Qusar şəhərinin mərkəzi küçələrinin yolları bərbad vəziyyətə düşüb. Bu barədə ShimalNews 3 mart tarixində Real TV-yə istinadən xəbər verir.
Sakinlər məlumat veriblər ki, onlar bu vəziyyətlə uzun illərdir üz-üzə qalıblar. Şəhərin Sahil, Ləzgi Nemət, Şarvəli və Elza İbrahiomova küçələri, xüsusən, qış aylarında yağış və qardan sonra keçilməz olur.
Bir qədər yağış yağan kimi sözügedən küçələr palçıqlı yollara çevrilir. Burada həm piyadaların, həm də nəqliyyat vasitələrinin hərəkəti xeyli çətinləşir.
Yolların təmir olunması ilə bağlı müxtəlif vədlər verilsə də, indiyədək əməli olaraq heç bir tədbir görülməyib.
RİH başçısının Qusar şəhəri üzrə nümayəndəsi Nahid Arazov bildirib ki, Şarvəli və daha 3 küçə bu il asfaltlanacaq.
Oxşar halı Səməd bəy Mehmandarov və Əmir Mustafayev küçələrinin sakinləri də yaşayırlar. Halbuki onlara 3 il qabaq asfalt salınacağı sözü verilmişdir.
[video width="1280" height="720" mp4="https://shimal.news/storage/photos/2023/03/Tamirsiz-yollarda-qalan-sakinlar_1.mp4"][/video]
