Sosial şəbəkələrdə yayılan avtomobil qəzasının videosunun Qusarda çəkildiyi iddia edilir. Bu barədə ShimalNews 20 iyul tarixində məlumat verir.
Məlumata görə, dostlar “TikTok”a qoymaq üçün video çəkiblər. “VAZ-2107” markalı avtomobili yolun kənarında saxlayıb, sonra dönmə əməliyyatı eləməyə başlayıblar. Bu vaxt hərəkətdə olan “Ford Transit” markalı avtomobil ona çarpılıb. Nəticədə ağır yaralanan “VAZ”-nin Albert adlı sürücüsünün həyatını xilas etmək mümkün olmayıb.
