Qusar rayon sakininin idarə etdiyi “Toyota Prius” markalı avtomobil Şəkidə qəzaya düşüb. Xəsarət alanlar var. Bu barədə ShimalNews 4 yanvar tarixində Apa-ya istinadən məlumat verir.
Hadisə yanvarın 3-ü şəhərin Daşqaya adlanan ərazisində baş verib. Kuzunqışlaqda yaşayan 27 yaşlı Nurlan Tayıbovun avtomobili 54 yaşlı Şəki sakini Azad Nəcəfovun idarə etdiyi “Mercedes” markalı mikroavtobusla toqquşub.
Nəticədə xəsarət alan 6 nəfər Şəki Rayon Mərkəzi Xəstəxanasına (RMX) aparılıb. Onlardan 2 nəfər xəstəxanada nəzarət altına götürülüb. Digər yaralıların xəsarətləri yüngül olduğundan onlara ilkin yardım göstərildikdən sonra ambulator müalicə almaq şərti ilə evə buraxılıblar.
Faktla bağlı araşdırma aparılır.
