Bir müddət əvvəl Quba Olimpiya İdman Kompleksinin yanında yeni yol nişanı quraşdırılmasının narazılığa səbəb olması haqqında məlumat vermişdik.
Shimal.News xəbər verir ki, tətbiq olunan dəyişiklikdən sonra avtomobillər məcburən yalnız sağ istiqamətdə hərəkət etməli olurdu. Bu isə Qubanın mərkəzinə dönmək istəyən sürücülər üçün Heydər Əliyev prospekti boyunca əlavə məsafə qət etməyə, həmçinin çaşqınlıq yaşamağa səbəb olurdu.
Sürücülərin bildirdiyinə görə, artıq sözügedən yol nişanı götürülüb. Hazırda nəqliyyatın hərəkəti daha rahat və anlaşılan şəkildə təmin olunur.
