Qubanın Mirzəqışlaq kəndində sovetlər dönəmində çəkilən elektrik xətləri yararsız hala düşüb. Bu barədə ShimalNews 29 sentyabr tarixində xəbər verir.
Əhalisi 1000 nəfərdən çox olmasına baxmayaraq, kəndin elektrik təminatında çətinliklər illərdir davam edir. Naqillərə diqqət yetirdikdə onların sallaq olmaları və çox sayda calaq yerlərini görmək olar. Elektrik transformatorları isə daha baxımsız vəziyyətdədir.
Sakinlərin sözlərinə görə, külək əsən kimi işıqlar sönür. Bununla bağlı onlar dəfələrlə müvafiq qurumlara məlumat veriblər.
