Quba-Xınalıq avtomobil yolu boyunca təbii fəlakətin nəticələri aradan qaldırılır. Bu barədə ShimalNews-a 16 iyun tarixində Azərbaycan Avtomobil Yolları Dövlət Agentliyindən məlumat verilib.
Sel suları avtomobil yolunun bəzi hissələrini yararsız hala salıb və infrastruktura ciddi ziyan vurub. Eyni zamanda lil və qaya parçaları avtonəqliyyat vasitələrinin hərəkətinə çətinliklər yaradıb.
“5 N-li Yol İstismarı” MMC tərəfindən tədbirlər görülüb, əraziyə xüsusi texnikalar və canlı qüvvə səfərbər olunub.
Nəticədə yolun 52-ci km-ə qədər hissəsində təhlükəsiz və fasiləsiz hərəkət təmin edilib. Hazırda isə 52-56-cı km-də işlər davam etdirilir.
