Quba rayonunda bir neçə yolda yaranmış məhdudiyyətlər aradan qaldırılıb. Bu barədə ShimalNews 12 iyun tarixində Avtomobil Yolları Dövlət Agentliyinə istinadən məlumat verir.
İntensiv yağıntılar nəticəsində sel suları fəsadlar törədib. Yollar lil və qaya parçaları ilə dolub. Nəticədə Çayqovuşan-Yerfi-Qayadalı və Çayqovuşan-Adur avtomobil yollarının bəzi hissələri yararsız hala düşüb, Yerfi kəndi ərazisində Babaçay çayı üzərində mövcud körpünün yanaşma hissəsi (təqribən 11-12 m uzunluqda) dağılıb.
Həmin ərazilərə AAYDA-nın “11 N-li Xüsusi Təyinatlı Yol İstismarı” MMC-nin xüsusi texnikaları və canlı qüvvəsi səfərbər olunub. Təxirəsalınmaz tədbirlər nəticəsində hərəkətin fasiləsizliyi və təhlükəsizliyi təmin olunub.
[video width="1920" height="1080" mp4="https://shimal.news/storage/photos/2023/06/y2mate_com_Quba_rayonu_arazisinda_birneca_yolda_yaranmis_mahdudiyyatlar.mp4"][/video]
