Qubanın əsas küçələrinin birində tullantılar 2 həftəyə yaxındır ki, antisanitar vəziyyət yaradıb. Bu barədə ShimalNews 29 sentyabr tarixində xəbər verir.
Bu hal şəhərin 223-cü Atıcı diviziya küçəsində, Şəhidlər xiyabanından 100 metr aralıda müşahidə olunur. Gündəlik bu yoldan keçən sakinlər bildirirlər ki, zibil qutuları çoxdan dolub. Məişət tullantıları isə artıq ətrafda geniş əraziyə yayılıb.
