Quba-Qəçrəş yolunda yol-nəqliyyat hadisəsi baş verib. Bu barədə ShimalNews 24 iyul tarixində məlumat verir.
Hadisə iyulun 23-ü axşam saatlarında qeydə alınıb. “Hyundai” markalı avtomobil “Aynur” restoranının yanında park edilən “VAZ-2107”yə çarpılıb. Nəticədə yaxınlıqda olan piyada xəsarət alıb.
Şahidlər bildirirlər ki, “Hyundai”da sərnişin olan şəxs xəsarət alanı digər avtomobillə xəstəxanaya çatdırıb. Həmin zərərçəkmişin ərazidə bal satışı ilə məşğul olduğu deyilir.
Qəza yerinə polis əməkdaşları cəlb ediliblər. Hər iki nəqliyyat vasitəsi cərimə meydançasına aparılıb.
