XV Qəbələ Beynəlxalq Musiqi Festivalı çərçivəsində keçirilən açıq hava konsertində Moldovadan gələn sənət kollektivləri tamaşaçılara yaddaqalan anlar yaşadıblar.
Shimal.News xəbər verir ki, səhnədə Moldovanın "Fluieraș" Xalq Mahnı və Rəqs Ansamblı və ilk dəfə Qəbələdə çıxış edən "Millenium" etno-estrada qrupu xalq mahnıları və milli rəqslərlə çıxış ediblər.
Sənətçilər proqramın sonunda tamaşaçılarla birlikdə rəqs edərək festival ab-havasını daha da canlandırıblar. Kollektiv rəhbərləri Qəbələdə gördükləri qonaqpərvərliyi yüksək qiymətləndirərək festivalın beynəlxalq nüfuzunun ildən-ilə artdığını vurğulayıblar.
