Gəndob-Xaçmaz-Yalama yolunda xəsarətlə nəticələnən qəza baş verib. Bu haqda ShimalNews 17 iyun tarixində "Report"a istinadən xəbər verir.
Hadisə yolun 42-ci kilometrliyində qeydə alınıb. "VAZ-Granta" və "Mercedes" markalı minik avtomobilləri toqquşub. Nəticədə Xudat şəhər sakinləri - 41 yaşlı Yeganə Süleymanova, 61 yaşlı Yavər Qonaqova və Qusar rayon sakini, 43 yaşlı Rasim Əlimuradov müxtəlif dərəcəli bədən xəsarətləri alıblar.
Zərərçəkənlərin rayonda işlədikləri bağdan evə qayıtdıqları bildirilib.
Faktla bağlı araşdırma aparılır.
