Yol hərəkəti qaydalarını pozan sürücülərə sənədlərin təqdim edilməsi qaydası dəyişdirilir. Müvafiq qanun layihəsi Milli Məclisdə müzakirəyə çıxarılıb. İnzibati xətalar haqqında işlər üzrə sənədlərin rəsmi qaydada verilməsi prosedurunda dəyişiklik nəzərdə tutulur.
Shimal.News xəbər verir ki, bugün keçirilən plenar iclasda İnzibati Xətalar Məcəlləsində dəyişiklik edilməsi barədə qanun layihəsində əksini tapıb. Qanun müzakirələrdən sonra səsverməyə çıxarılıb və birinci oxunuşda qəbul edilib.
Layihəyə əsasən, səlahiyyətli orqan (vəzifəli şəxs) tərəfindən bilavasitə aşkar edilən yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydalarının pozulması ilə bağlı inzibati xətalar üzrə qərar və ya protokolun surəti kağız daşıyıcıda yerindəcə həmin şəxsə təqdim ediləcək.
