Qax şəhərində yağış yağarkən küçələrdən birinə su dolur.
Bu barədə Shimal.News-a danışan sakin bildirib ki, yaşadığı Məmməd Rahim küçəsi hər dəfə yağış yağanda yağış suları ilə dolur. Onun sözlərinə görə, küçədə arx sistemi olsa da, yolun çökək olması səbəbindən yağış suları arxa çatmır.
Nəticədə yağış suları küçədə, xüsusilə də sakinlərin evlərinin qarşısında toplanır. Sakin qeyd edib ki, qapısının önünə yığılan su günlərlə çəkilmir.
Onun sözlərinə görə, problemlə bağlı dəfələrlə Qax Rayon İcra Hakimiyyətinə müraciət etsə də, məsələ hələ də həllini tapmayıb.
