Lahorda 23 yaşlı qusarlı qadının cinsi zorakılığa məruz qalması ilə bağlı daha bir şübhəli - Maskan adlı qadın saxlanılıb.
Shimal.News-un məlumatına görə, bir neçə gün əvvəl polis qusarlı qadına qarşı zorakılıqda şübhəli bilinən üç kişini saxlayıb və hadisə zamanı istifadə edildiyi bildirilən avtomobili müsadirə edib.
Məhkəmədə Maskanın müdafiə tərəfi onun hadisəyə heç bir aidiyyəti olmadığını, yalnız qusarlı qadınla dostluq etdiyini bildirib. Maskan həmçinin hakimin təklif etdiyi tibbi müayinədən keçməkdən imtina edib.
Zərərçəkmiş qadının ifadəsinə əsasən, hadisə günü axşam saatlarında o, Maskanla kafedə görüşüb. Daha sonra Maskan ona rəfiqəsi Nimranın evinə getməyi təklif edib. Qadınlar birlikdə Bahria şəhərində yerləşən evə gediblər.
İddiaya görə, gecə saat 02:00 radələrində evə iki kişi gəlib, daha sonra daha iki nəfər də onlara qoşulub. Ardınca Maskan və Nimra başqa otağa keçib, azərbaycanlı qadın isə otaqda kilidli vəziyyətdə qalıb. Qadının ifadəsinə görə, o, gecə saatlarına qədər zorakılığa məruz qalıb.
Hazırda Maskan barəsində məhkəmənin üç günlük həbs qərarı verdiyi bildirilir.
Qeyd edək ki, Pakistanın başqa bir şəhərində xarici turist qadının iki kişi tərəfindən zorlanması ilə bağlı da oxşar hadisə daha əvvəl gündəmə gəlib. Həmin iş üzrə qadının zorakılıq törədən şəxslərə 30 min Pakistan rupisinə satıldığı iddia ediledilib.
Mənbə: Tribune.сom
