Siyəzən rayonunun Qalaaltı kəndi yaxınlıqda fəaliyyət göstərən hotelin çirkab sularına məruz qalıb.
Bu barədə Shimal.News-a yerli sakinlər məlumat veriblər. Onların dediyinə görə, həmin hotelin çirkab suları kənd ərazisinə axıdılır və nəticədə antisanitar vəziyyət yaranır. Eyni zamanda kənd sakinlərinə məxsus mal-qara da bu sudan içdiyi üçün tələf olur.
Qalaatlı sakinlərini narahat edən digər məsələ isə uzun müddətdir kənddaxili yolların təmirsiz olmasıdır. Bir qədər yağış yağan kimi kənddə həm piyadaların, həm də sürücülərin həkəti mümkünsüz olur. Bununla bağlı yerli qurumlara müraciət olunsa da, heç bir tədbir görülməyib.
