Bakı-Quba yolunda qaçırılması barədə məlumat yayılan avtomobil saxlanılıb. Bu barədə ShimalNews 10 iyun tarixində şəhər DİN-in Mətbuat xidmətinə istinadən məlumat verir.
İyunun 9-u səhər saatlarında Binəqədi RPİ-nin 6-cı polis bölməsinə məlumat daxil olub. Bildirilib ki, Biləcəri qəsəbəsi ərazisindən “Toyota” markalı avtomobil və mobil telefon oğurlanıb.
Araşdırma zamanı hadisəni törədənin zərərçəkmişlə birgə yaşayan qohumu İsrayıl Əlixanov olduğu müəyyənləşib. Keçirilən əməliyyat-axtarış tədbirləri nəticəsində həmin şəxs avtomobillə saxlanılıb.
Faktla bağlı araşdırmalar davam edir.
