Müğənni Niyam Salami çalışdığı məkanda ona qarşı haqsızlıq edildiyini iddia edib. Sənətçi bir neçə gün əvvəl iki nəfərin ölümü ilə nəticələnən kanat faciəsinin baş verdiyi "Şəki Yaylası" istirahət mərkəzinin sahibindən də şikayətlənib.
Shimal.News xəbər verir ki, N.Salami sosial şəbəkəsində paylaşdığı videoda əvvəllər Novxanıda sahibkarın restoranlarından birində çalışdığını bildirib.
Sənətçi "Şəki Yaylası"nda baş verən faciəyə toxunaraq obyekt sahibini kanatın quraşdırılması ilə bağlı tənqid edib. O, qurğunun işinin mütəxəssislərə həvalə edilməli olduğunu bildirib və hadisəyə görə sahibkarı ittiham edib.
Qeyd edək ki, sənətçinin səsləndirdiyi iddialar onun şəxsi açıqlamasıdır və həmin fikirlərin doğruluğu məhkəmə və ya digər səlahiyyətli qurum tərəfindən təsdiqlənməyib. Qarşı tərəfin mövqeyi olduğu halda dərc etməyə hazırıq.
Niyam Salaminin sosial şəbəkəsində paylaşdığı videonu təqdim edirik:
