İsmayıllı rayonunun Qaraqaya kəndinin yoluna görə məktəblilər dərsə, valideynlər isə iş dalınca gedib-gəlməkdə çətinlik çəkirlər. Bu barədə ShimalNews 20 aprel tarixində Apa TV-yə istinadən məlumat verir.
Sakinlərin sözlərinə görə, uzun illərdir onlar xeyli əziyyət çəkirlər. Böyük maşın olmasa, kəndə gediş-gəliş mümkün deyil. Xəstəni həkimə çatdırmaq üçün at və eşşəkdən istifadə etmək lazım olur.
Qaraqayanın daxil olduğu Təzəkənd bələdiyyəsindən bildirilib ki, yolun vəziyyətindən xəbərdardırlar. Azərbaycan Avtomobil Yolları Dövlət Agentliyi isə məlumat verib ki, kənd yolu siyahıya salınıb və dövlət proqramına salınması gözlənilir.
