İsmayıllı rayonunun Talistan kəndində şəhid Səməd Hüseynzadənin adını daşıyan küçənin asfaltlanması ilə bağlı problem iki ildir həllini tapmır.
Shimal.News xəbər verir ki, şəhidin qardaşı Seyid Hüseynzadə bildirir ki, 2023-cü ilin 18 oktyabrında kənddə şəhidin ailəsi tərəfindən ev muzeyi və bulaq kompleksi istifadəyə verilsə də, həmin küçənin yol problemi hələ də aradan qaldırılmayıb.
Seyid Hüseynzadə əlavə edib ki, məsələ ilə bağlı dəfələrlə İsmayıllı Rayon İcra Hakimiyyətinin başçısı Nahid Bağırova müraciət olunub, lakin hələlik nəticə yoxdur və yolun təmiri uzadılır.
Ailə qeyd edir ki, şəhid adını daşıyan küçənin bu vəziyyətdə qalması həm sakinləri, həm də şəhid ailəsini narahat edir və aidiyyəti qurumlardan tezliklə yolun asfaltlanmasını gözləyirlər.
