İsmayıllıdan olan şəhid Elnur Səmədovun adına küçəyə asfalt örtüyü çəkilir.
ShimalNews “ismayilli.ws”-ə istinadən xəbər verir ki, yol istismarı idarəsinin texnikası həmin ərazidə çalışır.
Elnur Səmədov 2022-ci ilin 12–14 sentyabr tarixlərində Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhid olub. Bundan oncə qəhrəmanımız 2020-ci ilin sentyabr-noyabr aylarında Vətən müharibəsi zamanı Murovdağ, Cəbrayıl və Füzuli istiqamətində gedən döyüşlərdə savaşıb. O, “Azərbaycan Bayrağı” ordeni, “Cəbrayılın azad olunmasına gorə”, “Füzulinin azad olunmasına görə” və “Kəlbəcərin azad olunmasına görə” medalları ilə təltif edilib.
