İsmayıllının Mübariz Orucov küçəsinin asfaltı dağılıb, yolda çuxurlar əmələ gəlib, hərəkət çətinləşib.
Xezerxeber.az-ın məlumatına görə, sakinlər bildirirlər ki, rayon mərkəzindəki digər küçələrdə abadlıq və təmir işləri görülüb. Ancaq əsas yolardan biri hesab olan bu küçə diqqətdən kənarda qalıb.
Yağıntılı havalarda isə küçə ilə hərəkət daha da çətinləşir - həm piyadalar, həm də sürücülər əziyyət çəkirlər.
İsmayıllı şəhər inzibati ərazi dairəsi üzrə nümayəndə Eyub Musayev bildirib ki, layihə üzrə rayon mərkəzində ötən il üçün 25 küçənin təmiri planlaşdırılıb və işlər həyata keçirilib. Mübariz Orucov küçəsinin asfaltlanması isə bu ilin layihəsinə salınıb. Artıq smeta sənədləri də hazırlanıb. İşlər mərhələli şəkildə həyata keçiriləcək.
