İsmayıllı rayonunda lentə alınan maraqlı görüntülər sosial şəbəkələrdə geniş müzakirələrə səbəb olub.
Shimal.News xəbər verir ki, nəzarətsiz qalan bir neçə camış şəhərin mərkəzi hissəsinə çıxaraq İsmayıllı Rayon İcra Hakimiyyəti binasının qarşısındakı yaşıllıq ərazidə otlayıblar.
Hadisə ərazidən keçən sakinlər tərəfindən mobil telefonla lentə alınıb. Görüntülərdə camışların rahat şəkildə inzibati binanın önündə hərəkət etdiyi və yaşıllıq sahəsində otladığı əks olunub.
Paylaşılan videolar qısa müddətdə sosial şəbəkələrdə yayılıb və istifadəçilər arasında həm maraq, həm də yumorla qarşılanıb.
