Qaraməryəm-İsmayıllı-Şəki avtomobil yolunda qəza nəticəsində 2 nəfər ölüb və 2 nəfər xəsarət alıb.
Shimal.News xəbər verir ki, hadisə, gecə saat 02:00 radələrində Qurbanəfəndi kəndi ərazisində qeydə alınıb. "Mercedes" markalı avtomobilin sürücüsü Orxan Rəhimli idarəetməni itirib.
Nəticədə Oğuz rayon sakinləri, 24 yaşlı Səfər Etibar oğlu Rəşidov və 24 yaşlı Şükür Araz oğlu Şükürlü dünyasını dəyişib.
Daha 2 nəfər, 27 yaşlı Orxan Mehman oğlu Rəhimli və 26 yaşlı İsmayıllı sakini Tural Eldar oğlu Allahverdiyev müxtəlif dərəcəli bədən xəsarətləri ilə xəstəxanaya çatdırılıblar.
Ölüm və xəsarətlə nəticələnən yol-nəqliyyat hadisəsi ilə bağlı cinayət işi başlanılıb, araşdırmalar davam etdirilir.
