Bu gün Vətən müharibəsi şəhidi, Azərbaycan Ordusunun giziri Novruz Həmzəyevin doğum günüdür.
Novruz Həmzəyev 21 mart 1992-ci ildə İsmayıllı şəhərində anadan olub. O, 2020-ci il sentyabrın 27-də başlayan və Azərbaycanın ərazi bütövlüyünün bərpası ilə nəticələnən Vətən müharibəsi zamanı döyüşlərə qatılıb.
Gizir Novruz Həmzəyev xüsusilə Şuşanın azadlığı uğrunda gedən döyüşlərdə igidliklə vuruşub. O, noyabrın 8-də Şuşa istiqamətində gedən şiddətli döyüşlər zamanı qəhrəmancasına şəhid olub.
Prezident İlham Əliyevin müvafiq sərəncamlarına əsasən Novruz Həmzəyev ölümündən sonra "Vətən uğrunda", "Şuşanın azad olunmasına görə" və "Cəsur döyüşçü" medalları ilə təltif edilib.
Novruz Həmzəyev Azərbaycanın ərazi bütövlüyü uğrunda canından keçən qəhrəmanlardan biri kimi xalqımızın yaddaşında daim yaşayacaq.
