İsmayıllı əhalisi elektrik enerjisinin ödənişi üçün nəzərdə tutulan smart kartların bərpası ilə bağlı çətinlik yaşadıqlarını bildirirlər.
Onların sözlərinə görə, smart kart bloklandıqda, zədələndikdə və ya yararsız vəziyyətə düşdükdə onun yenilənməsi üçün Qəbələ ASAN Xidmət Mərkəzinə müraciət etməli olurlar.
Bu isə həm əlavə vaxt itkisinə, həm də maddi xərcə səbəb olur. Xüsusilə yaşlı, xəstə və maddi sıxıntısı olan vətəndaşlar üçün bu vəziyyət ciddi çətinlik yaradır.
İsmayıllı Elektrik Şəbəkəsindən bildirilib ki, smart kartların bərpası xidməti ASAN Xidmət mərkəzlərində həyata keçirilir. Sakinlər bu xidmətdən ən yaxın olan Qəbələ ASAN Xidmət Mərkəzində yararlana bilirlər.
Mənbə: Xezerxeber.az
