“Azəriqaz” İstehsalat Birliyinin baş direktoru Azər Məmmədov İsmayıllı rayonunun sakinləri ilə görüşüb.
Shimal.News xəbər verir ki, havanın qarlı olmasına baxmayaraq vətəndaş qəbuluna İsmayıllı ilə yanaşı, Ağsu rayonunun kəndlərindən olan sakinlər də gəliblər.
Görüşdə 30 nəfər iştirak edib və onlar 50 nəfərin adından qaz təchizatı ilə bağlı müraciət ünvanlayıblar. Bunlar da əsasən fərdi qazlaşma, kənd və yeni yaşayış massivlərinə küçə qaz xətlərinin çəkilişi, qaz xəttinin yerinin dəyişdirilməsi, qapı keçidinin quraşdırılması və işə qəbul ilə bağlı olub.
Birlik rəhbəri hər bir müraciətin həlli yolu barədə sakinlərə və sahibkarlara ətraflı izahat verib. Bir sıra məsələlərin yerində baxılaraq araşdırılması üçün Ağsu Regional qaz istismarı İdarəsinin rəhbərliyinə müvafiq tapşırıqlar verilib.
