İsmayıllının əsas alternativ yollardan biri hesab olunan yol qəzalı vəziyyətdədir. Bu haqda ShimalNews 17 avqust tarixində “Baku TV”yə istinadən məlumat verir.
Dəmirçi-Lahıc avtomobil yolunda baş verən sürüşmə nəticəsində yolun asfalt örtüyü dağılıb, iri çatlar yaranıb. Nəticədə, həmin istiqamətdə hərəkət edən sürücülər çətinliklə üzləşirlər.
"Dəmirçi-Lahıc yolu bərbad vəziyyətdədir, demək olar ki, tamamilə dağılıb, uçmuş vəziyyətdədir. Hər yağışdan sonra çatlar çoxalır, çuxurlar yaranır. Maşını burada sürmək qeyri-mümkündür. Uçqunlar, döngələr var, amma yol nişanları yoxdur", - sürücü narazılığını bildirib.
