İsmayıllı rayonunda torpaq sürüşməsi olub. Bu haqda ShimalNews 13 avqust tarixində “Oxu.Az”a istinadən məlumat verir.
Təbii fəlakət Basqal kənd yolunda baş verib. Hazırda avtomobillər bu ərazidə yolun bir hissəsi ilə hərəkət edirlər. Sakinlər bildirir ki, vaxt keçsə də məsələnin həlli üçün heç bir tədbir görülməyib.
Basqal kənd icra nümayəndəsi Novruz Əsədov açıqlama verib. O, bildirib ki, yolda yaranan vəziyyət yaxın günlərdə aidiyyəti qurum tərəfindən aradan qaldırılacaq. 9 saylı Yol-İstismar İdarəsinin əməkdaşları isə artıq yola baxış keçiriblər.
