Xaçmaz Rayon İcra Hakimiyyətinin başçısı Elnur Rzayev ölkənin ilk uşaq telekanalı olan "ARB Günəş" televiziyasının direktoru Məhsim Məhsimovla görüşüb.
Shimal.News xəbər verir ki, görüş zamanı Elnur Rzayev Məhsim Məhsimovu 50 illik yubileyi və peşəkar televiziya fəaliyyətinin 25 illiyi münasibətilə təbrik edib. Rayon rəhbəri onu Fəxri fərmanla təltif edib, həmçinin xatirə hədiyyəsi təqdim edib.
Görüşdə çıxış edən Elnur Rzayev "ARB Günəş" televiziyasının fəaliyyətini yüksək qiymətləndirərək, Məhsim Məhsimovun ölkənin media sahəsinin inkişafına, xüsusilə uşaq auditoriyasının maarifləndirilməsi və milli-mənəvi dəyərlər əsasında tərbiyə olunmasına verdiyi töhfələri vurğulayıb.
Qeyd edək ki, Məhsim Sədulla oğlu Məhsimov 1976-cı il iyul ayının 21-də Xaçmaz rayonunun Qırağlı kəndində anadan olub. 1993-cü ildə orta məktəbi bitirib. Azərbaycan Dövlət Mədəniyyət və İncəsənət Universitetinin məzunudur.1999-2000-ci illərdə Azərbaycan Milli Ordusunda xidmətdə olub.
Ailəlidir, 4 övladı var.
