Şəki rayonunun Çayqaraqoyunlu kənd sakini, təqaüdçü Zənfirə Sirəfilova anadangəlmə ağır dərəcəli görmə zəifliyi olan oğlunun hərbi xidmətə çağırıldığını iddia edir.
Şikayətçinin sözlərinə görə, 27 may 2007-ci il təvəllüdlü Dəyanət Sirəfilov uşaqlıqdan ciddi görmə problemi yaşayır və bu hal Şəki Rayon Mərkəzi Xəstəxanası ilə yanaşı, Bakıdakı tibb müəssisələrində aparılan müayinələrlə rəsmi şəkildə təsdiqlənib. Buna baxmayaraq, bütün tibbi sənədlər Şəki Rayon Hərbi Komissarlığında olduğu halda, ona 7 yanvar 2026-cı il tarixində hərbi xidmətə aparılacağı bildirilib.
Ana bu qərarın övladının sağlamlığı üçün təhlükəli olduğunu deyir və məsələnin yenidən, obyektiv araşdırılmasını tələb edir.
Modern.az-ın məlumatına görə, məsələ ilə bağlı Səfərbərlik və Hərbi Xidmətə Çağırış üzrə Dövlət Xidməti bildirib ki, vətəndaşın müraciəti əsasında araşdırma aparılacaq və nəticə barədə məlumat veriləcək.
