Son vaxtlar bölgələrdə yağıntıların çox olması səbəbindən bəzi ərazilərdə sürüşmələr yenidən aktivləşə bilər.
Bunu Coğrafiya İnstitutunun şöbə müdiri Ənvər Əliyev bildirib.
Onun sözlərinə görə, ölkənin dağlıq və dağətəyi əraziləri, xüsusilə Böyük Qafqazın cənub yamacı və eroziyaya uğramış torpaq sahələri sürüşmə riski daşıyır. Bakı və Abşeron yarımadasında isə relyefin dik olduğu yerlərdə, Bayıl yamacında və antropogen yüklənmə olan sahələrdə sürüşmələr baş verə bilər.
Ənvər Əliyev hazırda seysmik cəhətdən aktiv olan əraziləri də açıqlayıb. O qeyd edib ki, Azərbaycan ərazisi bütövlükdə seysmik aktiv zonada yerləşir, lakin ən yüksək aktivlik Şamaxı–İsmayıllı zonasında, eləcə də Şimal-Qərb, Qərb və Cənub-Şərq ərazilərində müşahidə olunur.
O, həmçinin qeyd edib ki, Şamaxı və ətraf rayonlarda seysmik proseslərin monitorinqi davam etdirilir.
Video: Xezerxeber
