Qubada sürücü DYP əməkdaşlarının “saxla” işarəsinə məhəl qoymayaraq, hərəkətini davam etdirib. Bu haqda ShimalNews 28 iyun tarixində DİN Mətbuat Xidmətinə istinadən məlumat verir.
Görülən tədbirlər nəticəsində yol-hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün təhlükə yaradan “Mersedes” markalı avtomobil saxlanılıb.
İnzibati Xətalar Məcəlləsinin müvafiq maddələrinə əsasən, sürücü Mirabdulla Sadıqova inzibati protokol tərtib edilib. Məhkəmənin qərarı ilə həmin şəxsin sürücülük hüququ 1 il müddətinə məhdudlaşdırılıb və o, 15 sutka inzibati qaydada həbs edilib.
