Azərbaycan Yerüstü Nəqliyyat Agentliyi (AYNA) şəhərlərarası avtobus marşrutları üzrə müsabiqənin qalibini müəyyən edib.
Shimal.News agentliyə istinadən xəbər verir ki, Bakı-Siyəzən marşrutu fiziki şəxs Quliyev Vüqar Həsənağa oğluna təhkim edilib.
Müsabiqə “Avtomobil nəqliyyatı haqqında” Qanuna, Nazirlər Kabinetinin 2009-cu il 3 aprel tarixli müvafiq qərarı ilə təsdiqlənən “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun təşkil olunur. Onun keçirilməsində məqsəd sərnişindaşıma sahəsində göstərilən xidmətin keyfiyyəti, təhlükəsizliyi və rahatlığının artırılması, həmçinin marşrutların təhkim edilməsində şəffaflığın təmin olunmasıdır.
