Bakı–Quba avtomobil yolunun Siyəzən rayonunun Yenikənd kəndi ərazisindən keçən hissəsində sürücülər üçün təhlükə yaranıb.
Baku TV-nin məlumatına görə, bu hal Gilçay üzərində yerləşən körpüdə müşahidə olunur.
Sakinlərin sözlərinə görə, körpünün örtüyü sıradan çıxıb və dəmir konstruksiyalar üzə çıxıb. Bu isə nəqliyyat vasitələrinə ciddi ziyan vurur. "Maşınları pis günə qoyub. Hər gün buradan keçən avtomobillərin təkərləri partlayır", – deyə yerli sakinlər bildiriblər.
Məsələ ilə bağlı Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli açıqlama verərək bildirib ki, problem barədə məlumat daxil olan kimi aidiyyəti qurumlara tapşırıq verilib.
Onun sözlərinə görə, qısa müddət ərzində ərazidə təmir işləri aparılıb və yaranmış problem aradan qaldırılıb.
