Bakı-Quba yolunda BDYPİ-nin əməkdaşları narkotik vasitənin təsiri altında avtomobil idarə edən şəxsi aşkar ediblər. Bu haqda 6 iyun tarixində ShimalNews Daxili İşlər Nazirliyinə (DİN) istinadən xəbər verir.
“Mercedes” markalı avtomobil magistralda yerləşən postda nişanın tələbini pozduğuna görə saxlanılıb. Yoxlama zamanı sürücü, Yevlax rayon sakini Şahin Mustafayevin nəqliyyat vasitəsini etibarnaməsiz, sürücülük hüququ olmadan idarə etməsi və narkotik vasitənin təsiri altında olması müəyyən olunub.
Həmin şəxs barəsində İnzibati Xətalar Məcəlləsinin 327.1-ci, 332.1-ci, 332.2-ci və 334.1-ci maddələri ilə protokol tərtib edilərək Abşeron Rayon Polis İdarəsinə təhvil verilib. Məhkəmənin qərarı ilə Ş.Mustafayev İnzibati Xətalar Məcəlləsinin 334.1-ci maddəsinə əsasən, inzibati qaydada həbs edilib.
