Bakı-Quba avtomobil yolunda ağlr yol-nəqliyyat hadisəsi baş verib. Bu haqda ShimalNews 10 iyul tarixində Report-a istinadən məlumat verir.
Qəza yolun Şabran rayonundan keçən hissəsində qeydə alınıb. Bakı-Nabran istiqamətində hərəkətdə olan “Mercedes-Vito” markalı minik avtomobili idarəetmədən çıxaraq aşıb. Nəticədə 17 yaşlı İsbat Səlimov, 44 yaşlı Məhərrəm Həsənov və 57 yaşlı İlham Əliyev ölüb, 24 yaşlı Əli Səfərov və 43 yaşlı Kamil Talışınski müxtəlif dərəcəli xəsarətlər alıblar. Yaralılar Şabran Rayon Mərkəzi Xəstəxanasına çatdırılıblar.
Hadisə zamanı dünyasını dəyişənlərin meyitləri müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Şabran rayon şöbəsinə təhvil verilib.
Faktla bağlı araşdırma aparılır.
