Bu gün şəhid Əli İbrahimovun doğum günüdür.
Əli Bəxtiyar oğlu İbrahimov 11 fevral 2002-ci ildə Quba rayonunda anadan olub.
O, 4 may 2020-ci ildə həqiqi hərbi xidmətə çağırılıb. Vətən müharibəsi zamanı Talış və Suqovuşan istiqamətlərində gedən döyüşlərdə iştirak edib. 14 oktyabr 2020-ci ildə, müharibənin ən gərgin günlərində 18 yaşlı Əli qəhrəmancasına vuruşaraq şəhidlik zirvəsinə ucalıb.
Göstərdiyi şücaətə görə Əli İbrahimov ölümündən sonra "Suqovuşanın azad olunmasına görə", "Cəsur döyüşçü" və "Vətən uğrunda" medalları, həmçinin III dərəcəli "Vətənə xidmətə görə" ordeni ilə təltif edilib.
