Qəhvəyi mərmər bağacığının yayıldığı Şəki-Zaqatala, Quba-Xaçmaz və Qazax-Tovuz iqtisadi regionları üzrə mübarizə fəaliyyəti davam edir.
Shimal.News məlumat verir ki, Aqrar Xidmətlər Agentliyinin 90-dan çox əməkdaşı tərəfindən 12 rayonda 150 mindən çox zərərverici mexaniki üsulla məhv edilib.
Mütəxəssislərin həyata keçirdikləri kompleks tədbirlər çərçivəsində yaşayış məntəqələrinə yaxın ərazilərdə, qışlama yerlərində, həyatyanı sahələrdə, çardaxlarda, eləcə də yarımçıq tikililərdə zərərvericinin yayılma dinamikasını qiymətləndirilib. Bu dövrdə ən effektiv mübarizə üsullarından biri də mexaniki mübarizə olub.
Bu səbəbdən mexaniki mübarizə tədbirləri və monitorinqlər növbəti mərhələlərdə də ardıcıl şəkildə davam etdiriləcək.
