Zaqatala şəhərin Ərəblinski küçəsində yağış və sel sularının kənarlaşdırılması məqsədilə təmir işləri aparılacaq.
Shimal.News-un əldə etdiyi məlumata görə, Rayon İcra Hakimiyyəti həyata keçirdiyi layihəyə ilkin olaraq 48.365,84 manat ayıracaq.
Təmir çərçivəsində aşağıdakı işlərin həyata keçirilməsi nəzərdə tutulur:
Mövcud bünövrə hörgüsünün sökülməsi və sement əsasında xüsusi davamlı məhlulla yenidən tikilməsi;
Örtük və əsas qatların sökülərək sement-betonla bərpası;
Qum-çınqıl qarışığından istifadə etməklə yeni əsasların döşənməsi və hamarlayıcı qatların hazırlanması;
Betondan yastı bünövrə tavalarının qurulması.
Layihə çirkab və yağış sularının küçə boyu təhlükəsiz şəkildə kənarlaşdırılmasını təmin etməklə, ərazidə yaranan mövsümi problemlərin aradan qaldırılmasına xidmət edəcək.
