Balakən və Zaqatala rayonlarını Qəhvəyi mərmər bağacıqlarının basması ilə bağlı Kənd Təsərrüfatı Nazirliyi yanında Aqrar Xidmətlər Agentliyinin Bitki Mühafizə və Fumiqasiya (zərərsizləşdirmə) Mərkəzi dezinfeksiya işlərinə başlanıldığını bildirib.
Report.az-ın məlumatına görə, qurum artıq dezinfeksiya işlərinin başlanıldığını bildirib.
Mərkəzdən verilən məlumata görə, yaşayış olan binalarda kimyəvi mübarizə tədbirlərinin aparılması insanlar üçün çox təhlükəlidir (qusma, boğulma, zəhərlənmə əlamətləri olur), buna görə də sakinlərə mexaniki mübarizə üsullarından da istifadə edilməsi tövsiyə olunur:
“Qəhvəyi mərmər bağacığına qarşı mexaniki mübarizə tədbiri kimi zərərvericilərin əl ilə toplanaraq məhv edilməsi və tələlərdən istifadə olunması tövsiyə edilir. Bu proses hər tərəfdə eyni anda getdiyinə görə əhali arasında narahatlıq yaranır. Hazırda bununla bağlı kimyəvi mübarizə tədbirlərimiz davam etdirilir”.
Bildirilib ki, Qəhvəyi mərmər bağacığının qışlama üçün sığınacaq yerləri axtarır. Bu səbəbdən sentyabr ayının sonundan həşəratlar Gürcüstandan kütləvi şəkildə Azərbaycan ərazilərinə miqrasiya edir.
