Bakı-İsmayıllı-Muğanlı-Qəbələ yolunun tikintisindən istifadə edərək dələduzluq əməli törətməkdə təqsirləndirilən şəxsə hökm oxunub.
Qaynarinfo.az-ın məlumatına görə, cinayət işi Suraxanı Rayon Məhkəməsində araşdırılıb.
Məlum olub ki, Qurban adlı şəxs tikinti şirkətinin rəhbəridir. Bakı-İsmayıllı-Muğanlı-Qəbələ yolunun tikintisi gündəmə gələrkən o, Akif adlı şəxsə həmin layihədə iş təşkil edə biləcəyini bildirib. Lakin Qurban işi düzəltmək üçün Akifdən 35.000 manat pul istəyib. Akifin o qədər pulu olmadığına görə, tanışları Elşən və Həsəni də prosesə cəlb edib. Onlar birlikdə Qurbana 31.500 manat pul veriblər. Məlum olanda ki, onları aldadıblar maddi vəsaitlərini geri istəyiblər.
Qurban müxtəlif bəhanələrlə aldığı məbləği geri qaytarmayıb. Bundan sonra zərərçəkmişlər hüquq-mühafizə orqanlarına müraciət ediblər. Cinayət Məcəlləsinin 178.2.4-cü maddəsi ilə mühakimə olunan Qurban 2 il 11 ay 28 gün müddətinə azadlığın məhrum edilib.
