İsmayıllıda şeir müsabiqəsinə start verilir. Bu haqda ShimalNews 17 iyul tarixində məlumat verir.
"Yarpaqlar oxuyur" adlı onlayn müsabiqə Mərkəzləşdirilmiş Kitabxana Sistemi tərəfindən təşkil edilib. Müsabiqə iyul ayının 15-dən başlayır və iki ay müddətində davam edəcək. Qatılmaq üçün açıq havada təbiətə aid səsləndirilən şeirlər videoya yazılmalıdır. Daha sonra materiallar İsmayıllı rayon MKS-nin Facebook səhifəsinə məktub yazaraq və ya [email protected] elektron ünvanına göndərilməlidir.
Videolar MKS-nin sosial şəbəkə səhifələrində paylaşılacaq və ən çox bəyənmə sayı olan iştirakçılar müsabiqənin qalibi olacaqlar. Onlar Fəxri Fərman və hədiyyələrlə təltif ediləcəklər.
Yarışmada iştirak üçün yaş məhdudiyyəti yoxdur.
