Xudat Elektrik Şəbəkəsinin ərazisi zibilliyə çevrilib.
Bu barədə Shimal.News-a yerli sakinlər məlumat veriblər.
Şikayətçilər sözügedən ərazidən tullantıların daşınmadığını bildirirlər. Onlar qeyd edirlər ki, idarənin ərazisindən uzun müddətdir zibillər daşınmır. Bu da antisanitar vəziyyətin yaranmasına gətirib çıxarıb.
Maraqlısı odur ki, Xudat şəhərinin Qusar istiqamətindən girişində yerləşən idarənin ətrafı hasarlanıb. Zibil qutuları isə, hasarın içərisinə qoyulub. Sakinlər həmin qutulara zibillərini yalnız hasarın çöl tərəfindən tullamaqla ata bilərlər.
